ஆவிகள் உலகம்..!

பதிவுகளின் வாயிலாக!

2009-03-07T11:45:00.000-08:00

சமாதிகளில் நாங்கள்
சாவகாசமாக
ஓய்வெடுகிறோம்தான்!

ஆனாலும்
எங்களின் ஆயுளில்
நிறைவேறாத
அல்ப ஆசைகள்
எங்களுக்குள்
எகத்தாளமிட்டுக்
கொண்டுதானிருக்கின்றன!

என்ன செய்வது?
செத்த பின்னும்
சிவனே என்று
நிம்மதியாய்
இருக்க முடிவதில்லை
எங்களால்!

ஆசைகளை
அறவே ஒழிக்க
அனுபவித்துத் தீர்
என்பதுதான்
எங்களுக்குத்
தெரிந்த ஒரே வழி!

அதனால்தான்
அவ்வப்போது
எட்டிப் பார்க்கிறோம்!
எங்கள் பதிவுகளின்
வாயிலாக!

ரீ எண்ட்ரி! வந்துட்டம்ல

2009-03-06T10:00:00.000-08:00

முதல்ல பதிவு போட்டு எங்களை எழுப்பி(உசுப்பி) விட்ட லோஷன் மற்றும் நசரேயன் ஆகியோருக்கு எங்கள் மனமார்ந்த நன்றிகளைத் தெரிவித்துக் கொல்கிறோம்!

ஆவி என்று ஆனந்தவிகடனைப் பற்றி எழுதினாலும் "எங்களைத்தான் கூப்பிடுறாங்களோன்னு நினைச்சி எங்களை எழுந்திருக்க வெச்ச அபி அப்பாவுக்கும் ஒரு ஸ்பெசல் நன்னி!

மேலும் இத்தினி நாளா எங்களை எவ்விதத்திலும் டிஸ்டர்ப் பண்ணாம தூங்க அனுமதிச்ச எங்கள் பாசமிகு தமிழ் வலைப் பதிவர் சகோதர/சகோதரிகளுக்கும் எங்கள் நன்றி!

இப்போதைக்கு இம்புட்டுதேன்! அப்புறமா ஒவ்வொரு ஜாலமா எடுத்து வுடுறோம்! இப்ப ஜூட் விட்டுக்குறோம்பா!

தூக்கமா வருது! ஒரு நல்ல மரமா போயி இடம் பிடிச்சி ஹாயாத் தொங்கணும் ச்சே ஹாயா தூங்கணும்!

வர்ட்ட்ட்ட்ட்ட்டா!

செருப்பை மாட்டுவது எப்படி?

2007-06-07T14:07:00.000-07:00

1. செருப்பை தேர்ந்தெடுத்துக் கொள்ளவும்.

2.ஒரு ஜோடி செருப்புகள் உள்ளனவா என்று சரிபார்த்துக் கொள்ளவும்.

3. வலது கால் செருப்பை வலது காலிற்கு நேராக வைக்கவும்.

4.இடது கால் செருப்பை இடது காலிற்கு நேராக வைக்கவும்.

5.இடது, வலது கால் செருப்புகளை முறையே சரியாக வைத்திருக்கிறோமா என்று சரி பார்க்கவும்.

6. இடது காலை மெதுவே உயர்த்தி வலது காலால் நின்றவாறே இடது கால் செருப்பின் மீது இடது காலை வைக்கவும்.

7.இடது காலைத்தான் இடது கால் செருப்பின் மீது வைத்திருக்கிறோமா என்று சரி பார்த்துக் கொள்ளவும்.

8.இப்பொழுது இடது காலை இடது கால் செருப்பினுள் மெதுவாக நுழைக்கவும்.

9. வலது காலை மெதுவே உயர்த்தி இடது காலால் நின்றவாறே வலது கால் செருப்பின் மீது வலது காலை வைக்கவும்.
10.வலது காலைத்தான் வலது கால் செருப்பின் மீது வைத்திருக்கிறோமா என்று சரி பார்த்துக் கொள்ளவும்.
11.இப்பொழுது வலது காலை வலது கால் செருப்பினுள் மெதுவாக நுழைக்கவும்.

அவ்வளவுதான் செருப்பு போட்டாயிற்று.

எச்சரிக்கை :

மண்டபத்தில் செருப்பிற்கு உரியவர் வந்து காலும் செருப்புமாக பிடிக்கும் முன்னர் மண்டபத்தை விட்டு ஜூட் விட்டு விடவும்.

அவந்தியக்காவுக்காக இந்த அழகுப் பதிவு

2007-04-07T06:37:00.000-07:00

அழகுத் தொடர்ல அடுத்ததா யாரை அழைக்கலாம்னு நம்ம அவந்தியக்கா குழம்பிப் போய் இருக்காங்க! யாராச்சும் விசனப் பட்டா நம்ம மனசு தாங்காது.

பெண் என்றால் பேயும் இறங்கும் அல்லவா? அதான் அவங்க அழைக்கும் முன்பாகவே அவங்க அழைத்ததாக நினைத்துக் கொண்டு அந்த அழைப்பையும் ஏற்றுக் கொண்டு இந்த அழகுப் பதிவை இடுகிறேன்.

1. அழகுன்னாலே எங்களுக்கு முதலில் நினைவுக்கு வருவது இயற்கைதான். அழகான ஓடையும் அதன் இரு கரைகளிலும் பூச்சொரியும் மரங்களும், மெதுவாய் சலசலத்து ஓடும் ஓடை நீரும், நினைச்சுப் பார்க்கும்போதே அழகா இருக்கும். அங்கே போய்ட்டா நேரம் காலமே தெரியாது. அப்படியே அங்கே இருக்குற மரங்களில் தொங்கிகிட்டே ஒரு தூக்கம் போட்டா...!

2. அடுத்ததா ஒற்றையா நிற்கும் மரங்கள் எல்லாமே எங்களுக்கு அழகுதான். ஒத்தையா நிக்குற மரம் அதுவும் புளிய மரம்னா சொல்லவே வேணாம். டகால்னு மேல ஏறி துண்டைப் போட்டு இடம் பிடிச்சிக்குவோம்.

3.மரங்கள் அடர்ந்த தோப்பு கொள்ளை அழகு. அதுவும் பெரிய காடா இருந்தா ரொம்ப வசதி. அப்பத்தான இராத்திரி நேரத்துல வெள்ளை சேலை கட்டிகிட்டு ஹாயா ஒரு பாட்டை ஹம்மிங்க் செஞ்சிகிட்டே அப்படியே காத்தாட வாக்கிங்க் போக முடியும். எந்த டிஸ்டர்பன்ஸும் இருக்காது.

4.பேய்களுக்கு மிகவும் பிடிச்ச இன்னொரு விஷயம் சூரிய அஸ்தமனம். அதாங்க சன் ஸெட்டு. எப்படா பகல் முடிஞ்சி ராப்பொழுது தொடங்கும்னு இருக்கும். சூரியன் கொஞ்சம் கொஞ்சமா மறைஞ்சி இருள் கவ்வும் நேரம் இருக்கு பாருங்க. பார்க்க பார்க்க அப்படியே மனசுக்குள்ளே பரவசம் பொங்கும்.

5.எங்கியாவது ஊருக்கு ஒதுக்குப் புறமா இந்த மாதிரி பாழடைஞ்ச பழைய வீடு, பங்களா இருந்தா எங்களுக்குக் கொண்டாட்டம்தான். அதைத்தான் நாங்க கனவு இல்லமா கனவு கண்டுகிட்டு இருப்போம். வாடகை இல்லை. பேங்க் லோன் பிரச்சினை இல்லை. பார்த்த மாத்திரத்துல பால் காய்ச்சாமலேயே குடி புகுந்துட வேண்டியதுதான். ரொம்ப வசதியா இருக்கும். இந்த மாதிரி வீடுகளில் நாங்க கார் பார்க்கிங் வசதியெல்லாம் இருக்கான்னு பார்ப்பதில்லை.

முதல்ல எல்லாம் நாவல்களில் நீலாங்கரை பங்களா பத்தி எழுதுவாங்க. இப்ப அங்கெல்லாம் நாங்க போகக் கூட முடியலை. ஜனத்தொகை ஜாஸ்தி ஆகி இப்ப அங்கயும் மக்கள் ஆக்கிரமிச்சிட்டாங்க. :(

அடுத்ததா வேற யாரை கூப்பிடலாம்.

நமக்குத்தான் இருக்கவே இருக்காரே நல்லவரு, வல்லவரு, நாலும் தெரிஞ்சவரு....

வேற யாரு,,?

எங்க எட்டாங்கிளாஸ் வாத்தியாருதான்..

அப்புறமா எங்க பிளாக்ல பிரச்சினை ஆனப்பெல்லாம் இலவச ஆலோசனைகள் தந்து பிளாக் நல்லா வர வெச்ச எங்க பொன்ஸ் அக்கா...

ஜொள்ளு விடாத பசங்களைக் கூட கெடுத்துக் குட்டிச் சுவராக்கி ஜொள்ளு விட வைக்குற எங்க பாசமிகு அண்ணன் ஜொள்ளுப் பாண்டி...

ஆகியோரை அழகு ன்னா என்னன்னு டெபனிஷன் குடுத்து பதிவு போடுமாறு பணிவன்போட கேட்டுக்குறேங்கோவ்.

எங்க ஊரு எழுத்தாளர்

2007-04-07T04:22:00.000-07:00

தமிழ்ப் பதிவுலகத்துல எங்களைப் பத்தி எழுதுறவங்க ரொம்ப குறைவுன்னு கவலைப் பட்டுகிட்டு இருந்தோம். அந்தக் குறையைப் போக்கும் விதமாக இப்போ அண்ணன் வினையூக்கி அவர்கள் அரை மணி நேரத்துக்கு ஒரு கதையா எழுதித் தள்ளுறார்.

அண்ணன் வினையூக்கி அவர்களுக்கு எங்கள் மனமார்ந்த நன்றியைத் தெரிவித்துக் கொல்கிறோம்.
அவரது கதைகளுக்கான சுட்டிகள் கீழே கொடுக்கப் பட்டுள்ளன.

மூன்று வரியில் ஒரு கதை

அரை நிமிடக் கதை

இன்னொரு அரை நிமிடக் கதை

விரைவில் அவருக்கு ஒரு பாராட்டு விழா ஏற்பாடு செய்து

அண்ணன் வினையூக்கி அவர்களுக்கு பதிவுலக பி.டி.சாமி என்ற பட்டத்தை வழங்கி கவுரவிக்க இருக்கிறோம் என்பதையும் மகிழ்ச்சியுடன் தெரிவித்துக் கொல்கிறோம்.

உலகக் கோப்பை கிரிக்கெட்- கணிப்புகள்

2007-03-13T14:47:00.000-07:00

உலகக் கோப்பை 2007 - கிரிக்கெட் போட்டிகளில் பங்குபெறும் நாடுகளுக்கிடையேயான வெற்றி தோல்விகள் பற்றிய ஆவியுகல கணிப்புகள்.

1. உலகக் கோப்பை 2007 யை வெல்ல பிரகாசனமான வாய்ப்புகள் உள்ள அணிகள் தென்னாப்பிரிக்கா, பாகிஸ்தான்.

2. இலங்கை அணி சூப்பர் 8 சுற்றுக்குச் செல்வதே சந்தேகம்.

3. இந்திய அணியைப் பொறுத்தவரை அரையிறுதிச் சுற்றுவரை அழைத்துச் செல்லும் வீரர்களாக பொறுப்புடன் விளையாட இருப்பவர்கள்.
கங்குலி, சேவாக், ஹர்பஜன் சிங்.

சச்சின் ஓரிரு அரை சதம்/சதங்களைப் பூர்த்தி செய்தாலும் எல்லா ஆட்டங்களிலும் அவரது பங்களிப்பு சிறப்பாக இருக்கும் என்பது சந்தேகமே!

4. குறைந்த பட்சம் ஒரு போட்டியாவது குறைந்த பட்சம் 5 முதல் 10 ஓவர்கள் மழையால் பாதிக்கப் படும்.

5. இந்திய அணி முக்கியமான விளையாட்டு ஒன்றை டக்ளஸ்வெர்த் முறையின் மூலம் இழக்க நேரிடும். அதுவே அடுத்த சுற்றிற்கு செல்வதில் இருந்து முற்றுப் புள்ளி வைக்கக் கூடும்.

(முழுக்க முழுக்கக் கற்பனையே...! டென்ஷன் ஆனவர்கள் உடனடியாக தங்களது இரத்த அழுத்தத்தைப் பரிசோதித்துக் கொள்ளவும்)

காணாமல் போன ரகசியம்

2007-02-03T08:19:00.000-08:00

யாரோ ஒரு பாவிப்பய கட்டி வெச்ச தாயத்துல ரெண்டு மாசமா வெளிய வரவே முடியாம போச்சு! இதனால் பயம் விட்டுப் போன பெனாத்தலார் அவர் கனவுல கூட எங்க ஊர்க்காரங்க வரலைன்னு தனியா பதிவு போட்டு சொல்றார்.

தமிழ் மணத்துல என்ன நடக்குது இப்போ? லொடுக்கு அண்ணாச்சி என்ன ஆனார்? இந்தியா மேற்கிந்தியத் தீவுகள் அணியை ஒரு நாள் தொடர்ல ஜெயிச்சதுல அண்ணன் காலரைத் தூக்கி விட்டுகிட்டு அலம்பல் பண்னிகிட்டி இருப்பாருன்னு நினனக்கிறேன்!

மக்களே வேற ஏதாவது விசேஷமான கொலை வெறித் தகவல்கள், சண்டை சச்சரவுகள் ஏதாவது நடந்ததா? போரடிக்காம போயிட்டிருக்கா?

அந்த தாயத்தைக் கட்டி எங்களுக்கே சூனியம் வெச்ச ஆளு மட்டும் கைல அகப்படட்டும். சூப்பு, பிரியாணி, 65ன்னு போட்டு கொண்டாடிப்புடுறோம்.

எங்க சொந்தக் காரங்க நடிச்ச படம்!

2007-01-31T20:40:00.000-08:00

மிஸ்டர் வெம்பயர் 2

Story: Lam Ching Ying returns to kick some vampire ass, this time in 1987 Hong Kong. A professor leading an archaeological dig uncovers a family of three vampires, and the only thing on the professor’s mind is profit. Lam Ching Ying knows that the vamps need to be exorcised, and a tug of war between the two develops over the corpses. The child vampire, ‘OK Boy’ escapes, and is found by two children, who believe him to be an illegal immigrant from mainland China.

Review: Mr Vampire was a classic, destined to reincarnate again and again, but this atrocious sequel nearly cast the series into the abyss forever. Set in the 80’s, the film lacks the fantasy elements of the original, and changes so many key elements that it barely even feels like a Mr Vampire movie.

Lam Ching Ying is the star, naturally, but neither his actual physical abilities nor his character’s usual magic bag of tricks are used to good effect. The absence of Ricky Hui and Chin Siu Ho is a dissapointment, so the decision to compensate with Yuen Biao is baffling considering that Yuen is capable of so much, yet here he does so little. Even his main action scene turns out to be an initially funny spoof of slow motion fight scenes, which overstays it’s welcome for far too long. Moon Lee returns from the original, but as usual, she does nothing but look cute.

The most obvious problem here is the budget, which is too small to compete with the original movie. The 80’s backdrop is blatantly a money saving exercise to begin with, but then other problems begin to show. The make-up is poor, swapping decomposing vampire flesh for white face paint, and there are barely any special effects. There are none of the imaginative ghouls, ghosts and goblins present in the other Mr Vampire movies, just vampires. The usual juggling of chickens, dog’s blood and magic string is missing from this movie, and a lot of the action often takes place in what looks like a house owned by one of the production crew.

With a cinematic culture as wildly imaginative as Hong Kong’s, even the worst films often still contain a number of great ideas that could have been so much more, and Mr Vampire 2 is no different. The introduction of a child vampire could have been extremely creepy, but instead we are forced to sit through an embarrassing subplot ripped straight out of ET, as a bunch of fat Chinese kids befriend the ‘cute’ undead ankle-biter. They take him out to play in the park, and name him ‘OK Boy’ when they should have named him ‘plot padding’ and burned the little bastard at the stake. Later in the film, two vampires go on the rampage in a busy Hong Kong street, but again, a good idea is not explored in an entertaining way.

The vampires here just fail to scare. In the other films, they present a real danger, and the comedy being played out by the living as they avoid the growling, snarling decomposers is what makes it work so well. What we get instead are female vampires that blow kisses, montages of ‘OK Boy’ dressed up in shades and a headscarf, and the realisation that vampires love their families as much as you and I. Truly horrific.

So, the story sucks, the vampires are misunderstood rather than scary, and this film should never have been made. It’s a good job that by the third installment in the series, everything turned out just fine.

ஹி ஹி, விஜய் டிவில தமிழில் பார்த்தேன். ரொம்ப நல்லா (காமெடியா) இருந்தது.

விமர்சனத்தை படிச்சிபோட்டு பிடிச்சிருந்தா நீங்களும் போயி பாருங்க!

என் வேலை இதுவல்ல!

2006-11-24T03:22:00.000-08:00

நாங்களும் சோதிப்போம்ல!

2006-11-01T21:40:00.000-08:00

பொன்ஸ் அக்கா மட்டும்தான் சோதிக்கணுமா என்ன?

ஆஹா! பிரச்சினையில்லாம தமிழ்மணத்துல வந்துடுச்சே!
பிரச்சினையை தீர்த்து பதிவு போட சுளுவாக்கின தமிழ்மண நிர்வாகிகளுக்கும், தொழில்நுட்ப நிபுணர்களுக்கும் நன்றி சொல்லாமப் போக நானென்ன மனுஷப் பிறவியா? எல்லார்க்கும் நன்றி!

இந்தப் பிரச்சினைக்காக முயற்சி எடுத்து சோதனை எல்லாம் செஞ்சி பார்த்து, பிரச்சினை தீர்ந்துடுச்சுன்னு மெயில் அனுப்பின பொன்ஸ் அக்காவும் என் நன்றி!

இந்த சோதனைகளுக்கும் படிச்சிப் பார்த்து பொறுமையாத் திரும்பிப் போன வாசகர்களுக்கும் எங்களோட நன்றி!

மறு பி(இ)றப்பு!

2006-10-12T12:03:00.000-07:00

எங்கள் ஊரைச் சேர்ந்த அம்மணியின் ஆர்வக்கோளாறின் காரணமாக பிளாக்கர் பீட்டாவிற்கு அப்டேட் செய்யப்போய் சொந்த செலவில் சூனியம் வைத்துக் கொண்ட கதையாயிற்று. எங்களுடைய பழைய வலைப்பூவான இந்த ஆவிகள் உலகத்தில் போட்ட புதிய பதிவுகளை தமிழ் மணத்தில் இணைக்கும்போது பிழைச் செய்திகள் வந்தபடியால் மீண்டும் பழையபடி பிளாக்கரிலேயே வேறு வலைப்பூ தொடங்கி விட்டோம்.

இம்முறை பொறுப்பு என் கையில் வழங்கப்பட்டுள்ளது. இனி ஆவி அம்மணி இல்லை. ஆவி அண்ணாச்சி என்று அறியுமாறு தாழ்மையுடன் கேட்டுக் கொல்கிறேன்.

இன்னும் ஒரு வாரத்திற்குள் இந்த பழைய வலைப்பூ அழிக்கப்பட்டுவிடும். நான் அமானுஷ்ய ஆவியின் போலி அல்ல என்று நிரூபிக்க இதன்மூலம் துண்டைப் போட்டு தாண்டுகிறேன்.

(ஐடியா உபயம்: ஒரு அனானி அண்ணாச்சி)

இப்படிக்கு ஆவி அண்ணாச்சி.

யாராச்சும் உதவுங்களேன் பிளீஸ்....!

2006-10-09T03:14:00.000-07:00

என்னுடைய பழைய பிளாக்கர் அக்கவுண்டைய பிளாக்கர் பீட்டாவுக்கு மாற்றியதால் வந்த வினை. இந்த வலைப்பூவின் முந்ததய பதிவான
ஒரு கவிதை - காதல் பிசாசு என்ற பதிவை தமிழ் மணத்திற்கு அறிவிக்க (அதாவது பதிவை புதுப்பிக்க) முயற்சிக்கும்போது ஒரு எர்ரர் வருகிறது.

இதற்கு என்ன காரணம், என்ன செய்ய வேண்டும் என்று யாராவது விஷய்ம் தெரிந்தவர்கள் உதவுவீர்களா?

ஒரு கவிதை - காதல் பிசாசு!

2006-10-06T09:53:00.000-07:00

உயிழந்த பின்னும்
உறவுகளில் நாட்டம்!
இழந்தது உடலைத்தான்!
உணர்வுகளை அல்ல!

ஆசைகள் அழியாமல்தான்
ஆவிகளாய் அலைகிறோம்!
நிராசைகள் எங்களை
நிர்க்கதி ஆக்கிவிட முடியாது!

மீண்டும் மீண்டும்
வருவோம்!
மண்ணுலக ஆசைகள்
எங்களிடம்
நிரந்தரமாய்
இருக்கும் வரை!
அவை
இறக்கும் வரை!

தடாலடியாருக்கு - நினைவூட்டல்!

2006-09-27T00:16:00.000-07:00

கடந்த தடாலடி போட்டி அறிவித்து பின்னர் வெகுநாட்களாகியும் அடுத்த தடாலடி போட்டி ஏதும் அறிவிக்காமல் மௌனம் காக்கும் கௌதம் அவர்களுக்கு நினனவூட்டவும், மெத்தனப் போக்கைக் கண்டிக்கவும் எச்சரிக்கை செய்யவும் இந்த முறை தடாலடி போட்டியை நானே அறிவிக்கிறேன்.

எங்கே மேற்கண்ட படத்திற்கேற்றவாறு கமெண்டுகளை அள்ளி விடுங்கள் பார்க்கலாம்.

பரிசு: வழக்கம்போல கௌதம் அவர்களால் வழங்கப்படும் என்று தன்னடக்கத்தோடு தெரிவித்துக் கொல்கிறேன்.

அனானி அண்ணாச்சிகளும் இதில் பங்கேற்கலாம்.

வெள்ளிக்குப் பிறகு சனிதான!

2006-09-25T23:54:00.000-07:00

வெள்ளிக்கிழமை போன அப்புறம் வேறென்ன?
சனிக்கிழமைதான!

சனிக்கிழமைக்குப் பொறவு ஞாயிறுதேன்.

ஞாயிற்றுக் கிழமை நகையைக் காணோம்
திங்கள் கிழமை திருடன் கிடைத்தான்
செவ்வாய்க் கிழமை ஜெயிலுக்குப் போனான்
புதன் கிழமை புத்தி வந்தது
வியாழக் கிழமை விடுதலை ஆனான்
வெள்ளிக் கிழமை வீட்டுக்குப் போனான்.
சனிக் கிழமை சாப்பிட்டுப் படுத்தான்.

ஞாயிற்றுக் கிழமை மறுபடியும் நகையைக் காணோம்....

மேட்ச் ஃபிக்ஸிங் செய்த ஆவி கைது!

2006-09-20T01:57:00.000-07:00

இன்று நடைபெற்றுவரும் இந்திய, மேற்கிந்திய அணிகளுக்கு இடையேயான கிரிக்கெட் விளையாட்டில் மேட்ச் ஃபிக்ஸிங்க் செய்ததாக எங்கள் உலகைச் சேர்ந்த ஆவி ஒன்றின் மீது லொடக்கு பாண்டி என்பரால் கொடுக்கப் பட்ட புகாரின் பேரில் அந்த ஆவியை கைது வாரண்ட் பிறப்பிக்கப்பட்டுள்ளது.

ஆவியிம் ஃபிக்ஸிங்க் விவரங்கள்.

டெண்டுல்கர் எடுக்கக் கூடிய ரன்கள் : அதிக பட்சம் 70.
டெண்டுல்கர் எடுத்த ரன்கள் : 65.

இந்திய அணி எடுக்கக் கூடிய ரன்கள் : அதிக பட்சம் 172.
இந்திய அணியினர் எடுத்த ரன்கள் : 162.

இதே போல் இந்திய அணியினரின் பந்து வீச்சுக்கும் டார்கெட் ஃபிக்ஸ் செய்யப்பட்டுள்ளதாக தெரிகிறது.

3 விக்கெட்டுக்கு 165 ரன் 28 ஓவர்களில்.

இதற்கு ஏற்கனவே முன் ஜாமீன் பெற்று வைத்திருந்த அந்த ஆவியும் லொடக்கு பாண்டி என்பவர் தன் மீது அடர் கந்தக அமிலம், நைட்ரிக் அமிலம் போன்றவற்றை வீசப்போவதாக மிரட்டியுள்ளார் என்று இன்னொரு புகார் கொடுத்துள்ளது. எனவே லொடக்கு பாண்டியையும் விசாரணைக்கு ஆஜராகுமாறு சம்மன் அனுப்பப்பட்டுள்ளது.

கால்ரா என்னும் பேய்........!

2006-09-17T07:40:00.000-07:00

அவனும், அவனது நண்பனும் சைக்கிளில் பக்கத்து ஊருக்கு அடுத்த ஊருக்குப் போய்க்கொண்டிருந்தார்கள். பக்கத்து ஊரை நெருங்கும் முன் அவர்களைப் பார்த்த ஒரு பெரியவர் சொன்னார்.
"அந்த ஊர்ப்பக்கமா போறீங்க? அங்கே ஒரே காலரா பீதியா இருக்கு, பார்த்துப் போங்க!"

நம்மாளுங்காளுக்கு அப்போ காலரான்னா என்னன்னு தெரியாது.
சைக்கிளை ஓட்டுறவன் கேட்டான்.

"ஏண்டா.. காலரான்னா என்னடா?"

"தெரியலையே..ஏதாவது பேயா இருக்குமோ! அதான் எல்லாரும் பயப்படறாங்க போல..!"

"சரி இப்போ என்னடா செய்யிறது?"

"வேகமா அந்த ஊரை கடந்து போயிடலாம், என்ன சத்தம் கேட்டாலும் திரும்பிப்பாக்காம போக வேண்டியதுதான்"

"சரி.அப்படியே செய்வோம்"

சைக்கிளை வேகவேகமாக மிதித்தான். இருவருக்கும் அந்த ஊரின் வழியே செல்லும்போது பயம் தொற்ரிக் கொண்டது.
பின்னால் உட்கார்ந்திருப்பவனின் கால் சைக்கிள் சக்கரத்தில் மாட்டிக்கொள்கிறது.அவன் கத்துகிரான்.

"டேய்..கால்ரா..கால்ரா....!"

"ஐய்யயோ..வந்துடுச்சா....!" என்று கத்தியவாறே இன்னும் வேக வேகமாக சைக்கிளை மிதிக்கிறான். சக்கரத்தில் கால் சிக்கிக் கொண்டதால் வேகமாக நகர மறுக்கிறது சைக்கிள்.

ஒட்டுபவன் சொல்கிறான்.

"டேய்..கிட்டே வந்துடுச்சு போல, சைக்கிளை பிடிச்சி இழுக்குது பாத்தியா...!"

பின்னவன் கத்திக் கொண்டே வருகிறான்.

"டேய் மடையா..கால்ரா...கால்ரா...!"

தலைமை ரசிகர் மன்றம் அறிவிப்பு

2006-09-16T20:02:00.000-07:00

எங்களுக்குக் கூட ரசிகர் மன்றம் இருக்கான்னு கொஞ்சம் பார்த்து சொல்லுங்கன்னு சந்தோஷ் கிட்ட கேட்டிருந்தோம்.

வெறும் ரசிகர் மன்றம் மட்டுமின்றி நற்பணி மன்றமாகவும் துவக்கியிருக்கும் தெக்கிக்காட்டான் அவர்களே உங்களுடைய அன்பிற்கும், அங்கீகாரத்திற்கும் நாங்கள் மிகுந்த கடன் பட்டவர்களாகி இருக்கிறோம். மிக்க நன்றி.

தெக்கிக் காட்டான் அவர்கள் துவக்கியுள்ள இந்த ரசிகர் நற்பணி மன்றம் இனி ஆவியுலக தலைமை ரசிகர் மன்றமாக செயல்படும் என்பதை தெரிவித்துக் கொள்கிறோம். மன்றம் துவக்குவதற்கு அனுமதி, அங்கீகாரம் போன்ற விவகாரங்களை இனி பின்வரும் முகவரியில் இயங்கும் மன்றத்தில் இருந்து தெக்கிக்காட்டான் அவர்கள் கவனிப்பார் என்றும் அறிவிக்கப்படுகிறது.

அமானுஷ்ய ஆவி ரசிகன் நற்பணி மன்றம்,

நாலாவது மடக்குப்பனியார தெரு,

வாஷிங்டன் டி.சி.

நாங்களும் உங்களைப் போலவே!

2006-09-16T10:29:00.000-07:00

ஐய்யா! நமக்கும் வலைப்பூ தொடங்கியாச்சு!

இன்னாபா இது! இத்தினி பதிவு போட்டிருக்கோம்! இன்னும் பின்னூட்டமே காணுமே!

இதான் அந்த எலிக்குட்டி சோதனையா?

இந்தக் கோட்டைத் தாண்டி நானும் வரமாட்டேன். நீயும் வரக்கூடாது! புரிஞ்சுதா?....

சத்தியமா உள்குத்தெல்லாம் எதுவும் இல்லை! சொன்னா நம்புங்க!

அடுத்த பதிவு என்னா போடலாம்...?

யாராவது லிஃப்ட் கொடுப்பாங்களா?

2006-09-16T07:36:00.000-07:00

ஏம்பா! அப்படியே நமக்கு கொஞ்சம் லிஃப்ட் குடுக்கறது!

கவலைப் படாத! யாராச்சும் லிஃப்ட் கொடுப்பாங்க!

எப்படி வந்தேன்?

2006-09-15T09:29:00.000-07:00

1943 ம் வருடம் நான் ஒரு எட்டாம் வகுப்பு மாணவி. அப்போ எங்களுக்கு கணக்குப் பாடம் சொல்லிக் கொடுத்தவர்தான் சுப்பைய்யா வாத்தியார். அவரு சொல்லித்தந்த கணக்கு எங்களுக்கு மண்டையில ஏறவே ஏறாது.

ஆகஸ்டு 27 அன்னிக்கு அப்படித்தான் ஏதோ ஒரு கணக்கு ஃபார்முலாவை சொல்லச் சொல்லிக் கேட்டாரு. திடீர்னு கேட்டதால எனக்கு சொல்லத் தெரியலை. கிளாஸ்ல எல்லார்க்கும் முன்னாடி என்னைக் கண்டபடி திட்டிப்புட்டாரு. அனானி அண்ணாச்சிங்கள்ளாம் சொல்லுற மாதிரி
"நீ உருப்பட மாட்டே"ன்னு வேற சொல்லிட்டாரு. எனக்கு ரொம்ப அவமானமா போச்சி. அன்னிக்கே எங்க ஊருக்கு வெளிய இருந்த ஒற்றைப் புளியமரத்துகிட்ட மருந்து வாங்கி குடிச்சிட்டேன்.

அப்புறமா 63 வருஷம் கழிச்சி அமானுஷ்ய கதை எழுதரேன் பேர்வழின்னு நம்ம நாமக்கல் அண்ணாச்சிதான் என் சமாதியை தோண்டுனாரு. அப்புறம் சரியா சமாதியை மூடலல. அதை பயன்படுத்தி நான் வெளியே வந்துட்டேன்.
அவரு அந்த கதையை எழுதிட்டாரான்னு நான் கூட போயி அவரு பதிவு பக்கமா எட்டிப் பார்த்தேன். ஆனா அன்னிக்கு அவரு எழுதலை. அப்புறமா எழுதியிருப்பாரு போல. இப்ப என்னால அந்தப் பக்கம் போக முடியலை. ஏதோ தாயத்து எல்லாம் கட்டி வெச்சிருக்காரு.

கோ.வி 65

2006-09-15T07:19:00.000-07:00

வரும் ஞாயிற்றுக் கிழமை முதல் புரட்டாசி ஆரம்பிக்கப் போகுது! நான் வெஜ் சாப்பிடக் கூடாது. அதனால இன்னிக்கு எங்களுக்கெல்லாம் ஸ்பெஷல் டின்னர்.

என்னான்னு கேக்குறீங்களா!

கோ.வி 65. இன்னிக்கு அவரைப் பிடிச்சி கொண்டாந்து துண்டு துண்டா வெட்டி கோ.வி 65 செஞ்சி சாப்பிடப் போறோம். யாருக்கு லெக் பீஸ் கிடைக்கப் போகுதோ! அடிச்சிக்கப் போறாங்க!

அப்புறமா பட்டர் கோ.வி, கார்லிக் கோ.வி எல்லாம் இருக்கு. ஆவியுலக நண்பர்களே எல்லாரும் வந்துடுங்க! அப்புறம் இன்னும் ஒரு மாசத்துக்கு நாந்வெஜ் சாப்பிட முடியாது.

எங்களுக்குப் பிடித்த திரைப்படங்கள்

2006-09-15T06:51:00.000-07:00

1. ஆயிரம் ஜென்மங்கள்
2. நானே வருவேன்
3. பிள்ளை நிலா
4. ஜென்ம நட்சத்திரம்
5. யார்?
6. அமாவாசை இரவில்
7. மைடியர் லிசா
8. ஜெகன் மோகினி

இன்னும் உண்டு.

சில்லுன்னு ஒரு பேய்க்கதை

2006-09-15T06:32:00.000-07:00

ராத்திரி பண்ணிரெண்டு மணி, அந்த அத்துவான ராத்திரில கும்மிருட்டு. சில்லுன்னு காத்து வேற!
அப்போ அந்த ரோட்டுல ஒரு ஆளு திக் திக்குன்னு அடிச்சிக்குற பயத்தோட தட்டுத் தடுமாறி வந்துகிட்டிருக்கான். அப்போ பார்த்து ஆண்டவனா அனுப்பி வெச்சா மாதிரி ஒரு பஸ். தூரத்துல வருது. இவன் வேகமா ஓடிப் போயி பஸ்ஸுக்குள்ள ஏறிக்கறான். பஸ்ஸுக்குள்ள பார்த்தா டிரரவர் மட்டும்தான். வேற யாரும் இல்லை. பஸ் மெதுவா நகருது. அப்படியே ஒரு சீட் பிடிச்சி உக்காந்துக்குறான் நம்ம ஆள்.

திடீர்னு "சப்"னு அவன் கன்னத்துல ஒரு அறை விழுது. விழுந்தடிச்சிகிட்டி சீட்டிலிருந்த எழுந்திருக்கறான்.

"ஏண்டா, நாங்களே பஸ் நகரலைன்னு தள்ளிகிட்டி வரோம், ஜம்முன்னு வந்து உக்காந்துகிட்டயா.. வந்து தள்ளுய்யா வண்டிய எங்களோட சேர்ந்துன்னு.." கண்டக்டர் திட்டிடுப் போறான்.

மறைவு: ஆகஸ்டு 27 1943 தோற்றம்: செப்டம்பர் 15 2006

2006-09-15T04:30:00.000-07:00

நாமக்கல் நட்சத்திரத்தின் நல்லாசியுடன்................

மறைவு: ஆகஸ்டு 27 1943 தோற்றம்: செப்டம்பர் 15 2006