என் வேலை இதுவல்ல!

Friday, November 24, 2006

நாங்களும் சோதிப்போம்ல!

Wednesday, November 01, 2006

பொன்ஸ் அக்கா மட்டும்தான் சோதிக்கணுமா என்ன?

ஆஹா! பிரச்சினையில்லாம தமிழ்மணத்துல வந்துடுச்சே!
பிரச்சினையை தீர்த்து பதிவு போட சுளுவாக்கின தமிழ்மண நிர்வாகிகளுக்கும், தொழில்நுட்ப நிபுணர்களுக்கும் நன்றி சொல்லாமப் போக நானென்ன மனுஷப் பிறவியா? எல்லார்க்கும் நன்றி!

இந்தப் பிரச்சினைக்காக முயற்சி எடுத்து சோதனை எல்லாம் செஞ்சி பார்த்து, பிரச்சினை தீர்ந்துடுச்சுன்னு மெயில் அனுப்பின பொன்ஸ் அக்காவும் என் நன்றி!

இந்த சோதனைகளுக்கும் படிச்சிப் பார்த்து பொறுமையாத் திரும்பிப் போன வாசகர்களுக்கும் எங்களோட நன்றி!

மறு பி(இ)றப்பு!

Thursday, October 12, 2006

எங்கள் ஊரைச் சேர்ந்த அம்மணியின் ஆர்வக்கோளாறின் காரணமாக பிளாக்கர் பீட்டாவிற்கு அப்டேட் செய்யப்போய் சொந்த செலவில் சூனியம் வைத்துக் கொண்ட கதையாயிற்று. எங்களுடைய பழைய வலைப்பூவான இந்த ஆவிகள் உலகத்தில் போட்ட புதிய பதிவுகளை தமிழ் மணத்தில் இணைக்கும்போது பிழைச் செய்திகள் வந்தபடியால் மீண்டும் பழையபடி பிளாக்கரிலேயே வேறு வலைப்பூ தொடங்கி விட்டோம்.

இம்முறை பொறுப்பு என் கையில் வழங்கப்பட்டுள்ளது. இனி ஆவி அம்மணி இல்லை. ஆவி அண்ணாச்சி என்று அறியுமாறு தாழ்மையுடன் கேட்டுக் கொல்கிறேன்.

இன்னும் ஒரு வாரத்திற்குள் இந்த பழைய வலைப்பூ அழிக்கப்பட்டுவிடும். நான் அமானுஷ்ய ஆவியின் போலி அல்ல என்று நிரூபிக்க இதன்மூலம் துண்டைப் போட்டு தாண்டுகிறேன்.

(ஐடியா உபயம்: ஒரு அனானி அண்ணாச்சி)

இப்படிக்கு ஆவி அண்ணாச்சி.

யாராச்சும் உதவுங்களேன் பிளீஸ்....!

Monday, October 09, 2006

என்னுடைய பழைய பிளாக்கர் அக்கவுண்டைய பிளாக்கர் பீட்டாவுக்கு மாற்றியதால் வந்த வினை. இந்த வலைப்பூவின் முந்ததய பதிவான
ஒரு கவிதை - காதல் பிசாசு என்ற பதிவை தமிழ் மணத்திற்கு அறிவிக்க (அதாவது பதிவை புதுப்பிக்க) முயற்சிக்கும்போது ஒரு எர்ரர் வருகிறது.

இதற்கு என்ன காரணம், என்ன செய்ய வேண்டும் என்று யாராவது விஷய்ம் தெரிந்தவர்கள் உதவுவீர்களா?

ஒரு கவிதை - காதல் பிசாசு!

Friday, October 06, 2006


உயிழந்த பின்னும்
உறவுகளில் நாட்டம்!
இழந்தது உடலைத்தான்!
உணர்வுகளை அல்ல!

ஆசைகள் அழியாமல்தான்
ஆவிகளாய் அலைகிறோம்!
நிராசைகள் எங்களை
நிர்க்கதி ஆக்கிவிட முடியாது!

மீண்டும் மீண்டும்
வருவோம்!
மண்ணுலக ஆசைகள்
எங்களிடம்
நிரந்தரமாய்
இருக்கும் வரை!
அவை
இறக்கும் வரை!

தடாலடியாருக்கு - நினைவூட்டல்!

Wednesday, September 27, 2006

Photobucket - Video and Image Hosting

கடந்த தடாலடி போட்டி அறிவித்து பின்னர் வெகுநாட்களாகியும் அடுத்த தடாலடி போட்டி ஏதும் அறிவிக்காமல் மௌனம் காக்கும் கௌதம் அவர்களுக்கு நினனவூட்டவும், மெத்தனப் போக்கைக் கண்டிக்கவும் எச்சரிக்கை செய்யவும் இந்த முறை தடாலடி போட்டியை நானே அறிவிக்கிறேன்.

எங்கே மேற்கண்ட படத்திற்கேற்றவாறு கமெண்டுகளை அள்ளி விடுங்கள் பார்க்கலாம்.

பரிசு: வழக்கம்போல கௌதம் அவர்களால் வழங்கப்படும் என்று தன்னடக்கத்தோடு தெரிவித்துக் கொல்கிறேன்.

அனானி அண்ணாச்சிகளும் இதில் பங்கேற்கலாம்.

வெள்ளிக்குப் பிறகு சனிதான!

Monday, September 25, 2006

வெள்ளிக்கிழமை போன அப்புறம் வேறென்ன?
சனிக்கிழமைதான!

சனிக்கிழமைக்குப் பொறவு ஞாயிறுதேன்.

ஞாயிற்றுக் கிழமை நகையைக் காணோம்
திங்கள் கிழமை திருடன் கிடைத்தான்
செவ்வாய்க் கிழமை ஜெயிலுக்குப் போனான்
புதன் கிழமை புத்தி வந்தது
வியாழக் கிழமை விடுதலை ஆனான்
வெள்ளிக் கிழமை வீட்டுக்குப் போனான்.
சனிக் கிழமை சாப்பிட்டுப் படுத்தான்.

ஞாயிற்றுக் கிழமை மறுபடியும் நகையைக் காணோம்....

மேட்ச் ஃபிக்ஸிங் செய்த ஆவி கைது!

Wednesday, September 20, 2006

இன்று நடைபெற்றுவரும் இந்திய, மேற்கிந்திய அணிகளுக்கு இடையேயான கிரிக்கெட் விளையாட்டில் மேட்ச் ஃபிக்ஸிங்க் செய்ததாக எங்கள் உலகைச் சேர்ந்த ஆவி ஒன்றின் மீது லொடக்கு பாண்டி என்பரால் கொடுக்கப் பட்ட புகாரின் பேரில் அந்த ஆவியை கைது வாரண்ட் பிறப்பிக்கப்பட்டுள்ளது.

ஆவியிம் ஃபிக்ஸிங்க் விவரங்கள்.

டெண்டுல்கர் எடுக்கக் கூடிய ரன்கள் : அதிக பட்சம் 70.
டெண்டுல்கர் எடுத்த ரன்கள் : 65.

இந்திய அணி எடுக்கக் கூடிய ரன்கள் : அதிக பட்சம் 172.
இந்திய அணியினர் எடுத்த ரன்கள் : 162.

இதே போல் இந்திய அணியினரின் பந்து வீச்சுக்கும் டார்கெட் ஃபிக்ஸ் செய்யப்பட்டுள்ளதாக தெரிகிறது.

3 விக்கெட்டுக்கு 165 ரன் 28 ஓவர்களில்.


இதற்கு ஏற்கனவே முன் ஜாமீன் பெற்று வைத்திருந்த அந்த ஆவியும் லொடக்கு பாண்டி என்பவர் தன் மீது அடர் கந்தக அமிலம், நைட்ரிக் அமிலம் போன்றவற்றை வீசப்போவதாக மிரட்டியுள்ளார் என்று இன்னொரு புகார் கொடுத்துள்ளது. எனவே லொடக்கு பாண்டியையும் விசாரணைக்கு ஆஜராகுமாறு சம்மன் அனுப்பப்பட்டுள்ளது.

கால்ரா என்னும் பேய்........!

Sunday, September 17, 2006

அவனும், அவனது நண்பனும் சைக்கிளில் பக்கத்து ஊருக்கு அடுத்த ஊருக்குப் போய்க்கொண்டிருந்தார்கள். பக்கத்து ஊரை நெருங்கும் முன் அவர்களைப் பார்த்த ஒரு பெரியவர் சொன்னார்.
"அந்த ஊர்ப்பக்கமா போறீங்க? அங்கே ஒரே காலரா பீதியா இருக்கு, பார்த்துப் போங்க!"

நம்மாளுங்காளுக்கு அப்போ காலரான்னா என்னன்னு தெரியாது.
சைக்கிளை ஓட்டுறவன் கேட்டான்.

"ஏண்டா.. காலரான்னா என்னடா?"

"தெரியலையே..ஏதாவது பேயா இருக்குமோ! அதான் எல்லாரும் பயப்படறாங்க போல..!"

"சரி இப்போ என்னடா செய்யிறது?"

"வேகமா அந்த ஊரை கடந்து போயிடலாம், என்ன சத்தம் கேட்டாலும் திரும்பிப்பாக்காம போக வேண்டியதுதான்"

"சரி.அப்படியே செய்வோம்"

சைக்கிளை வேகவேகமாக மிதித்தான். இருவருக்கும் அந்த ஊரின் வழியே செல்லும்போது பயம் தொற்ரிக் கொண்டது.
பின்னால் உட்கார்ந்திருப்பவனின் கால் சைக்கிள் சக்கரத்தில் மாட்டிக்கொள்கிறது.அவன் கத்துகிரான்.

"டேய்..கால்ரா..கால்ரா....!"

"ஐய்யயோ..வந்துடுச்சா....!" என்று கத்தியவாறே இன்னும் வேக வேகமாக சைக்கிளை மிதிக்கிறான். சக்கரத்தில் கால் சிக்கிக் கொண்டதால் வேகமாக நகர மறுக்கிறது சைக்கிள்.

ஒட்டுபவன் சொல்கிறான்.

"டேய்..கிட்டே வந்துடுச்சு போல, சைக்கிளை பிடிச்சி இழுக்குது பாத்தியா...!"

பின்னவன் கத்திக் கொண்டே வருகிறான்.

"டேய் மடையா..கால்ரா...கால்ரா...!"

தலைமை ரசிகர் மன்றம் அறிவிப்பு

Saturday, September 16, 2006

எங்களுக்குக் கூட ரசிகர் மன்றம் இருக்கான்னு கொஞ்சம் பார்த்து சொல்லுங்கன்னு சந்தோஷ் கிட்ட கேட்டிருந்தோம்.

வெறும் ரசிகர் மன்றம் மட்டுமின்றி நற்பணி மன்றமாகவும் துவக்கியிருக்கும் தெக்கிக்காட்டான் அவர்களே உங்களுடைய அன்பிற்கும், அங்கீகாரத்திற்கும் நாங்கள் மிகுந்த கடன் பட்டவர்களாகி இருக்கிறோம். மிக்க நன்றி.

தெக்கிக் காட்டான் அவர்கள் துவக்கியுள்ள இந்த ரசிகர் நற்பணி மன்றம் இனி ஆவியுலக தலைமை ரசிகர் மன்றமாக செயல்படும் என்பதை தெரிவித்துக் கொள்கிறோம். மன்றம் துவக்குவதற்கு அனுமதி, அங்கீகாரம் போன்ற விவகாரங்களை இனி பின்வரும் முகவரியில் இயங்கும் மன்றத்தில் இருந்து தெக்கிக்காட்டான் அவர்கள் கவனிப்பார் என்றும் அறிவிக்கப்படுகிறது.

அமானுஷ்ய ஆவி ரசிகன் நற்பணி மன்றம்,
நாலாவது மடக்குப்பனியார தெரு,
வாஷிங்டன் டி.சி.

நாங்களும் உங்களைப் போலவே!

Photobucket - Video and Image Hosting

ஐய்யா! நமக்கும் வலைப்பூ தொடங்கியாச்சு!

Photobucket - Video and Image Hosting
இன்னாபா இது! இத்தினி பதிவு போட்டிருக்கோம்! இன்னும் பின்னூட்டமே காணுமே!

Photobucket - Video and Image Hosting
இதான் அந்த எலிக்குட்டி சோதனையா?

Photobucket - Video and Image Hosting
இந்தக் கோட்டைத் தாண்டி நானும் வரமாட்டேன். நீயும் வரக்கூடாது! புரிஞ்சுதா?....

Photobucket - Video and Image Hosting
சத்தியமா உள்குத்தெல்லாம் எதுவும் இல்லை! சொன்னா நம்புங்க!

Photobucket - Video and Image Hosting
அடுத்த பதிவு என்னா போடலாம்...?

யாராவது லிஃப்ட் கொடுப்பாங்களா?



ஏம்பா! அப்படியே நமக்கு கொஞ்சம் லிஃப்ட் குடுக்கறது!



கவலைப் படாத! யாராச்சும் லிஃப்ட் கொடுப்பாங்க!


எப்படி வந்தேன்?

Friday, September 15, 2006

1943 ம் வருடம் நான் ஒரு எட்டாம் வகுப்பு மாணவி. அப்போ எங்களுக்கு கணக்குப் பாடம் சொல்லிக் கொடுத்தவர்தான் சுப்பைய்யா வாத்தியார். அவரு சொல்லித்தந்த கணக்கு எங்களுக்கு மண்டையில ஏறவே ஏறாது.

ஆகஸ்டு 27 அன்னிக்கு அப்படித்தான் ஏதோ ஒரு கணக்கு ஃபார்முலாவை சொல்லச் சொல்லிக் கேட்டாரு. திடீர்னு கேட்டதால எனக்கு சொல்லத் தெரியலை. கிளாஸ்ல எல்லார்க்கும் முன்னாடி என்னைக் கண்டபடி திட்டிப்புட்டாரு. அனானி அண்ணாச்சிங்கள்ளாம் சொல்லுற மாதிரி
"நீ உருப்பட மாட்டே"ன்னு வேற சொல்லிட்டாரு. எனக்கு ரொம்ப அவமானமா போச்சி. அன்னிக்கே எங்க ஊருக்கு வெளிய இருந்த ஒற்றைப் புளியமரத்துகிட்ட மருந்து வாங்கி குடிச்சிட்டேன்.

அப்புறமா 63 வருஷம் கழிச்சி அமானுஷ்ய கதை எழுதரேன் பேர்வழின்னு நம்ம நாமக்கல் அண்ணாச்சிதான் என் சமாதியை தோண்டுனாரு. அப்புறம் சரியா சமாதியை மூடலல. அதை பயன்படுத்தி நான் வெளியே வந்துட்டேன்.
அவரு அந்த கதையை எழுதிட்டாரான்னு நான் கூட போயி அவரு பதிவு பக்கமா எட்டிப் பார்த்தேன். ஆனா அன்னிக்கு அவரு எழுதலை. அப்புறமா எழுதியிருப்பாரு போல. இப்ப என்னால அந்தப் பக்கம் போக முடியலை. ஏதோ தாயத்து எல்லாம் கட்டி வெச்சிருக்காரு.

கோ.வி 65

வரும் ஞாயிற்றுக் கிழமை முதல் புரட்டாசி ஆரம்பிக்கப் போகுது! நான் வெஜ் சாப்பிடக் கூடாது. அதனால இன்னிக்கு எங்களுக்கெல்லாம் ஸ்பெஷல் டின்னர்.

என்னான்னு கேக்குறீங்களா!

கோ.வி 65. இன்னிக்கு அவரைப் பிடிச்சி கொண்டாந்து துண்டு துண்டா வெட்டி கோ.வி 65 செஞ்சி சாப்பிடப் போறோம். யாருக்கு லெக் பீஸ் கிடைக்கப் போகுதோ! அடிச்சிக்கப் போறாங்க!

அப்புறமா பட்டர் கோ.வி, கார்லிக் கோ.வி எல்லாம் இருக்கு. ஆவியுலக நண்பர்களே எல்லாரும் வந்துடுங்க! அப்புறம் இன்னும் ஒரு மாசத்துக்கு நாந்வெஜ் சாப்பிட முடியாது.

எங்களுக்குப் பிடித்த திரைப்படங்கள்

1. ஆயிரம் ஜென்மங்கள்
2. நானே வருவேன்
3. பிள்ளை நிலா
4. ஜென்ம நட்சத்திரம்
5. யார்?
6. அமாவாசை இரவில்
7. மைடியர் லிசா
8. ஜெகன் மோகினி

இன்னும் உண்டு.

சில்லுன்னு ஒரு பேய்க்கதை

ராத்திரி பண்ணிரெண்டு மணி, அந்த அத்துவான ராத்திரில கும்மிருட்டு. சில்லுன்னு காத்து வேற!
அப்போ அந்த ரோட்டுல ஒரு ஆளு திக் திக்குன்னு அடிச்சிக்குற பயத்தோட தட்டுத் தடுமாறி வந்துகிட்டிருக்கான். அப்போ பார்த்து ஆண்டவனா அனுப்பி வெச்சா மாதிரி ஒரு பஸ். தூரத்துல வருது. இவன் வேகமா ஓடிப் போயி பஸ்ஸுக்குள்ள ஏறிக்கறான். பஸ்ஸுக்குள்ள பார்த்தா டிரரவர் மட்டும்தான். வேற யாரும் இல்லை. பஸ் மெதுவா நகருது. அப்படியே ஒரு சீட் பிடிச்சி உக்காந்துக்குறான் நம்ம ஆள்.

திடீர்னு "சப்"னு அவன் கன்னத்துல ஒரு அறை விழுது. விழுந்தடிச்சிகிட்டி சீட்டிலிருந்த எழுந்திருக்கறான்.

"ஏண்டா, நாங்களே பஸ் நகரலைன்னு தள்ளிகிட்டி வரோம், ஜம்முன்னு வந்து உக்காந்துகிட்டயா.. வந்து தள்ளுய்யா வண்டிய எங்களோட சேர்ந்துன்னு.." கண்டக்டர் திட்டிடுப் போறான்.

மறைவு: ஆகஸ்டு 27 1943 தோற்றம்: செப்டம்பர் 15 2006

நாமக்கல் நட்சத்திரத்தின் நல்லாசியுடன்................

மறைவு: ஆகஸ்டு 27 1943 தோற்றம்: செப்டம்பர் 15 2006